कति तौल कति पैसामा घटाउन सकिन्छ ? साइड–इफेक्ट हुन्छ कि हुँदैन ?
काठमाडौं । तौल घटाउन त्यति सहज छैन । तर, घटाउनै पर्ने बाध्यता हुन्छ कहिलेकाहीँ । आफ्नो पेसा–व्यवसायमा फिट हुन र आकर्षक देखिनका लागि तौल घटाउनुपर्ने हुन्छ ।
विशेषगरी मोडलिङ तथा अभिनयलाई पेसा वा व्यवसाय बनाउनेहरूका लागि तौल कहिले घटाउनु पर्छ र कहिले बढाउनुपर्छ भन्ने थाहा हुँदैन । त्यसैले उनीहरूका लागि त यो अत्यावश्यक जस्तै हो ।
तर, पछिल्लो समय धेरैले सुन्दर देखिन र आत्मबल लुज हुन नदिन पनि तौल घटाउने गरेको पाइन्छ ।
त्यसैले यसअघि हामीले कसरी तौल घटाउन सकिन्छ भन्ने समाचार सामग्री प्रकाशन गरेका थियौँ । यो पटक हामी सामान्यतया तौल घटाउन कति खर्चिलो हुन्छ भन्ने सामग्री प्रस्तुत गर्नेछौँ ।
निरभाना हेल्थ होमका चिकित्सक डा. लोकेश कर्ण तौल घटाउन खासै धेरै असहज नरहेको तर यसका लागि विशेषक्ष चिकित्सकको परामर्श र अनुशासनमा भने बस्न आवश्यक रहेको बताउँछन् ।
सम्बन्धित दक्ष चिकित्सकको प्रत्यक्ष सेवा र परामर्शमा रहेर आफूले चाहेजति तौल किफायती मूल्यमा घटाउन सकिने डा. कर्ण बताउँछन् ।
थ्रेड इम्बेडिङ मेथोडबाट एक महिनामा ५ केजी तौल २० देखि ३० हजारमा घटाउन सकिने उनी बताउँछन् । चिकित्सकको परामर्शमा बस्ने हो भने यो विधिबाछट घटेको तौललाई आफूले चाहेको समयसम्म कायम राख्न सकिने उनको भनाइ छ ।
तौल घटाउने औषधिको सेवन गरेर पनि वेट लुज गर्न सकिन्छ । औषधि सेवन गरेर तत्काल तर केही समयका लागि तोल घटाउन सकिन्छ । तर, यसमा वाकवाकी लाग्नुका साथै हर्ट अट्याकको जोखिम हुन्छ । ५० हजारदेखि डेढ लाख रुपैयाँसम्म कष्ट लाग्छ । तर, यसमा औषधि प्रयोग गर्न छोडेपछि पुनः तौल बढ्न थाल्ने डा. कर्ण बताउँछन् ।
बेरियाट्रिक सर्जरी तौल घटाउने अर्को तरिका हो । यसमा विस्तारै क्रमिक रूपमा तौल घटाउँदै लगिन्छ । यसमा जोखिम उच्च हुन्छ । तर, रिकभरी हुन पनि समय लाग्छ ।
यसमा ग्यास्ट्रोइन्टेस्टाइनल, संक्रमण र रगत जम्ने दीर्घकालीन जोखिम हुनसक्छ । यो अरुभन्दा मंहगो पनि रहेको छ । निरभानाले यसका लागि ५ देखि १० लाख रुपैयाँसम्म शूल्क लिने गरेको छ ।
“तौत घटाउने अर्को विधि डाइट प्लानमा बस्ने र नियमित एक्सरसाइज पनि हो । यो विधिबाट भने तौल घटाउन केही समय लाग्छ,” डा. कर्ण भन्छन्, “यसको सबैभन्दा राम्रो पक्ष भनेको यसमा कुनै साइड इफेक्ट हुँदैन । खर्च पनि धेरै लाग्दैन । बेफाइदा भनेको आफूले चाहेको रिजल्टका लागि लामो समय कुर्नुपर्छ ।”
यी सबै विधि विशेषज्ञ चिकित्सकको प्रत्यक्ष सल्लाहमा मात्रै गर्न डा. कर्णको सुझाव छ ।