नरेन र बेनिशाको ‘बिगुल’ माघ ९ मा रिलिज हुने
काठमाडौं । चलचित्र ‘बिगुल’को प्रदर्शन मिति घोषणा गरिएको छ । आइतबार पोस्टर सार्वजनिक गर्दै निर्माणपक्षले आगामी माघ ९ गतेलाई प्रदर्शन मिति घोषणा गरेको हो ।
अभिनेता नरेन खड्का र अभिनेत्री बेनिशा हमालको शीर्ष भूमिका रहेको चलचित्रलाई रमेश कोइरालाले निर्देशन गरेका छन् ।
कल्पना पौडेलको प्रस्तुति र दिनेश कोइरालाको लगानी छ । अभिनेता नरेन खड्का र अभिनेत्री बेनिशा हमालको शीर्ष भूमिकामा छन् ।
सार्वजनीक तीन पोस्टरमध्ये एकमा बेनिशा गम्भीर भावमा छिन् । सोही पोस्टरमा राँको लिएका एक हुल प्रदर्शनकारी छन् । दोस्रो पोस्टरमा बेनिशासहित नरेन खड्का र रमेश बुढाथोकी आक्रोशित मुद्रामा छन् । अर्को एक पोस्टरमा सबै कलाकार फिचर्ड छन् ।
म्याग्नोलिया ग्रुपको ब्यानरमा निर्माण भएको सिनेमामा नरेन र बेनिशासहित नीर शाह, सरोज खनाल, हेमन्त बुढाथोकी, शिशिर बाङ्देल, विनोद न्यौपाने, जेएन घिमिरे, गीता अधिकारी, मीरा पण्डित, मानश्री शर्माको पनि अभिनय छ ।
अभिनेता रविन्द्र खड्काको विशेष भूमिका रहेको सिनेमाको निर्माता कोइरालाको कथा, प्रदीप भारद्धाज र मौनता श्रेष्ठको पटकथा तथा संवाद लेखन छ ।
शिव ढकालको छायांकन रहेको सिनेमामा कमल राई र कविराज गहतराको कोरियोग्राफी, एनबी महर्जनको द्धन्द्व निर्देशन, अर्जुन पोखरेल, मनोज चौलागाई र विश्वप्रकाश शर्माको संगीत, कुनाल कुमारको कलर र तारा थापा ‘किम्भे’को सम्पादन छ ।
