‘कमेडी दरबार’ टिमको चलचित्र ‘क का कि की’ निर्माण घोषणा
काठमाडौं । टेलिभिजन हास्य शो ‘कमेडी दरबार’टिमले चलचित्र निर्माण गर्ने भएको छ । निर्माण टिमले सोमबार ‘क का कि की’ को थिम पोस्टर सार्वजनिक गर्दै चलचित्र निर्माण बारे घोषणा गरेको हो ।
पोस्टरअनुसार चलचित्र नेपाली सिने जगतका चर्चित कलाकारहरू गौरी मल्ल, तृप्ति नाटकर, रेखा थापा र महेश त्रिपाठीको मुख्य भूमिका रहनेछ।
टिकटकर मिस पबी, पवन खतिवडा, हिमेश पन्त, सुजता श्रेष्ठ, विश्वास तिम्सिना, सीडी विजय अधिकारीलगायत कलाकारहरूको पनि विशेष भूमिका रहनेछ ।
कमेडी जनरामा निर्माण हुने चलचित्र निर्देशन विक्की अग्रवाल र श्रद्दा प्रसाईंले संयुक्त रूपमा गर्नेछन् । निर्माता श्रद्दा प्रसाईं र सुमित्रा थापा रहनेछन् ।
चलचित्रको पटकथा विक्की अग्रवालले लेखेका छन् भने कथामा विक्की अग्रवाल, विकाश अर्याल र सरोज भण्डारीको समेत लेखन रहनेछ ।
सुदीप बरालको छायांका रहनेछ । चलचित्रको छायांकन दशैंको टीकाको भोलिपल्टबाट प्रारम्भ हुनेछ । चलचित्रको प्रदर्शन मिति हाल खुलाइएको छैन ।