‘माइतीघर’को शीर्ष गीतको भिडियोमा गज्जव क्यामेरा वर्क
काठमाडौं । चलचित्र ‘माइतीघर’को शीर्ष गीत ‘माइतीघर’ सार्वजनिक भएको छ । बिहीबार सार्वजनिक गरिएको गीतमा सञ्जिवनीको स्वर छ । किरण खरेलको शब्द रचना रहेको छ ।
यो गीत पुरानो चलचित्र ‘माइतीघर’को शीर्ष गीतको रिरेकर्ड हो । पहिलाको गीतमा भने आशा भोस्लेको स्वर छ ।
निर्माण टिमले भिडियोमा गज्जवको मेहनत गरेको देखिएको । प्रकृतिको अनुपम छटामा गज्जवको क्यामेरा वर्कले गीतको गुणस्तर उकास्ने काम गरेको छ ।
मिलन तामाङको निर्देशन र रोहित अधिकारीको निर्माणमा तयार भइरहेको चलचित्र दशैंको फूलपातिबाट रिलिज हुँदै छ ।
सुसन प्रजापतिको छायांकन रहेको चलचित्रमा रोहित अधिकारी, रविन शेरचन र धीरज तामाङको लगानी छ । कार्यकारी निर्माता ईश्वर श्रेष्ठ र निरज कटुवाल हुन् ।
चलचित्रमा केदार घिमिरे, धिरज मगर, प्रकाश सपूत, उपासना सिंह ठकुरी, श्यामश्री शेर्पा, युवराज लामा, बुद्धि तामाङ, शिशिर वाङ्देललगायत कलाकारहरुको अभिनय छ ।