समीक्षालाई पूजाको आरोप– मेरो चलचित्र आउनुअगाडि नकारात्मक सन्देश दिन खोजिन्
काठमाडौं । नायिका पूजा शर्माले गायिका समीक्षा अधिकारीविरुद्ध आफू बोल्न बाध्य भएको बताएकी छन् । समीक्षाको नाम उल्लेख नगरी उनले आफ्नो चलचित्र आउनु अगाडि नकारात्मक सन्देश दिन खोजेको आरोप लगाएकी छन् ।
“आज गायिका बहिनीले मलाई जोडेर मेरो भिडियो सेयर गरेर जुन नकारात्मक सन्देश दिन खोजेकी छन्, त्यसमा मेरो गम्भीर आपत्ति छ,” उनले फेसबुकमा लेखेकी छिन्, “त्यो भिडियो सबै हेरेर मात्रै कमेन्ट गर्न आग्रह गर्छु ।”
यो विषयमा आफू बोल्न नचाहेर पनि आफ्नो चलचित्र आउनुभन्दा अगाडि आफूलाई लक्षित गरेकाले बोल्न बाध्य भएको उनले बताएकी छिन् ।
यो पनि–पूजालाई समीक्षाको चेतावनी- फिल्म चलाउन मलाई बारम्बार प्रहार नगर्नुस्
“मिडियामा आएका आएका मेरा सम्पूर्ण सामग्रीहरू नितान्त प्रोफेसनल हुन् । यो बाहेक मेरा र ति बहिनीको पनि आफ्नो व्यक्तिगत जीवन होला । त्यसमा न म कहिले बोलेँ र कहिले बोल्नेछु” उनी लेख्छिन्, “चलचित्र आउनु अगाडि शत्रुहरू त लाग्छन् नै ।” आफ्नो सिनेमा आउनु अगाडि त्यसविरुद्ध नकारात्मक प्रचार गर्न खोजिएको उनको भनाई छ ।
पूजोको निर्माणसमेत रहेको ‘रावायण’ अहिले प्रदर्शनको पूर्वसन्ध्यामा छ ।