समीक्षा अधिकारी पुगिन् अस्ट्रेलिया, ब्ल्याकलिष्ट फुकुवा भएको हो ?
२१ जेष्ठ २०८१, सोमबार
काठमाडौं । गायिका समीक्षा अधिकारी अस्ट्रेलिया पुगेकी छन् । उनी आफैँले अस्ट्रेलिया पुगेको जानकारी दिएकी छन् ।
सामाजिक सञ्जाल फेसबुकमा तस्बिर पोष्ट गर्दैै उनी लेख्छिन्, ‘शो ह्यापी टु वी इन सिड्नी फाइनल्ली ।’
अघिल्लो वर्ष समीक्षालाई अस्ट्रेलियाले भिसा नदिएर ‘ब्ल्याकलिस्ट’मा राखेको समाचारहरू आएका थिए । उनी पूर्वनिर्धारित कार्यक्रममा पनि गएकी थिइनन् ।
समीक्षालाई १८ वर्ष उमेर नपुगेका कारण दिदीलाई केयर टेकरका रूपमा लगेर अस्ट्रेलियामा छोडेको आरोप लागेको थियो । तर उनले भने यसलाई अस्वीकार गर्दै आएकी थिइन् ।