६ सय २१ जनाले हेरे चलचित्र ‘जाँड’, ‘रोल नं. १’ले थप दुई लाख कमायो

काठमाडौं । चलचित्र विकास बोर्डले नेपाली चलचित्रहरूको पछिल्लो बक्स अफिस विवरण सार्वजनिक गरेको छ ।

बोर्डले ‘रोल नं. १’ र ‘जाँड’ को आइतबारसम्मको कमाइ विवरण सोमबार सार्वजनिक गरेको हो ।

बोर्डले सार्वजनिक गरेको तथ्यांकअनुसार पछिल्लो आइतबारसम्मको अवधिमा गत जेठ १५ गतेदेखि प्रदर्शनमा आएको चलचित्र ‘रोल नं १’ ले १ करोड ७७ लाख ६ हजार ५८३ रूपैयाँ ग्रस कमाइ गरेको छ ।

• 
• 

सिनेपाः बक्स अफिस तथ्यांक अनुसार यो चलचित्रका हालसम्म ७० हजार ६ सय ७४ वटा टिकट बिक्री भएका छन् ।

यो चलचित्रले अघिल्लो सातासम्म १ करोड ७४ लाख ८५ हजार ६५८ रूपैयाँ ग्रस कलेक्सन गरेको थियो । यो अवधिमा चलचित्रका ६९ हजार १६६ वटा टिकट बिक्री भएका थिए ।

यस्तै, असार १२ गतेबाट प्रदर्शनमा आएको चलचित्र ‘जाँड’ को व्यापार भने औसत देखिएको छ । यसले हालसम्म १ लाख २६ हजार ५ रूपैयाँ ग्रस कमाएको छ । यो अवधिमा चलचित्रका ६ सय २१ वटा टिकट बिक्री गर्न सफल भएको विवरणमा उल्लेख छ ।

राजु शाह निर्देशित चलचित्र ‘जाँड’ले गत साताको आइतबारसम्म ५ सय ६९ वटा टिकट बिक्री हुँदा १ लाख १६ हजार ६४५ रूपैयाँ मात्र ग्रस कमाइ गरेको थियो ।

चलचित्र	कुल कमाइ (आइतबारसम्म)	कुल टिकट बिक्री	पछिल्लो साताको कमाइ	पछिल्लो साता बिक्री टिकट
रोल नं. १	रु. १,७७,०६,५८३	७०,६७४	रु. २,२०,९२५	१,५०८
जाँड	रु. १,२६,००५	६२१	रु. ९,३६०	५२