‘जनै हराएको मान्छे’, ‘माग्ने राजा’ र ‘ताराहरू’ हलमा
काठमाडौं । फ्राइडे रिलिजअन्तर्गत आज एकै दिन तीनवटा नेपाली चलचित्र रिलिज भएका छन् । चलचित्र ‘जनै हराएको मान्छे : सम्बन्धका धागाहरू’, ‘माग्ने राजा’ र ‘ताराहरू’ आजबाट प्रदर्शनमा आएका हुन् ।
यी तीनमध्ये सबैभन्दा धेरै ‘माग्ने राजा’ले, दोस्रोमा ‘जनै हराएको मान्छे ः सम्बन्धका धागाहरू’ र तेस्रोमा ‘ताराहरू’ शो पाएको छ ।
चलचित्र ‘जनै हराएको मान्छे : सम्बन्धका धागाहरू’मा बलियो लाइनअप रहेको छ । चलचित्रमा विजय बराल, भोलाराज सापकोटा, केकी अधिकारी, अभिनेत्री मिरुना मगर, गौरव पहाडी, सुशांक मैनाली, रियर राई, भावना खपांगी मगर, रुपेश लामा, सुमन थापालागायतको अभिनय रहेको छ ।
पेपरक्लिपको ब्यानरमा निर्माण भएको चलचित्रका निर्माता कमल न्यौपाने र विमल न्यौपाने हुन् । कार्यकारी निर्मातामा नारायण तिमिसिना, चुडामणि सिवाकोटी, आरके मानन्धर, सिआर बस्नेत, फिलिप डिसी र जेम्स महाराजन रहेका छन् ।
थानेश्वर गौतम, अर्जुन पोखरेल, एसडी योगी र प्रसान्त सिवाकोटीको संगीत रहेको चलचित्रमा नवीन गुरुङ डीओपी र कृष्ण परियारको सिनेमेटोग्राफी रहेको छ ।
चलचित्रको कथा, पटकथा र संवाद भानुभक्त ढकालले लेखेका छन् । दिनेशबहादुर राउत मुख्य सहायक निर्देशक रहेको सिनेमामा तर्कराज न्यौपाने, रवीन्द्र नेपाल, मोनिका थापा र आकाश के.सी सहायक निर्देशक रहेका छन् । चलचित्रका निर्माण नियन्त्रक लक्ष्मणराज पौडेल हुन् ।
गोविन्द शाहीको काफिया फिल्मसले वितरणको जिम्मा लिएको छ ।
अलटाइम ब्लकबस्टर चलचित्र ‘पूर्णबहादुरको सारंगी’पछि विजय बरालको मुख्य भूमिका रहेको चलचित्र हो यो ।
मा आउन लागेको यस वर्षको यो पहिलो चलचित्र हो ।
केदार घिमिरेको पहिलो सोलो लिड रहेको सिनेमा ‘माग्ने राजा’लाई ऋषि लामिछानेको निर्देशन गरेका छन् ।
कमेडी जनरामा रहेको यो सिनेमाले दर्शकलाई हसाउँदै गम्भीर सन्देश पनि दिने बताइएको छ । मनोरञ्जनसँगै सन्देश पनि दिने निर्माणपक्षले बताएको छ ।
सिनेमाले देशको सामाजिक, आर्थिक र राजनीतिक परिस्थिति देखाउने बताइएको छ ।
आरम्भ प्रोडक्सनको ब्यानरमा निर्माण भएको सिनेमाका प्रस्तुतकर्ता तथा निर्माता मुनाल घिमिरे हुन् । ‘इच्छा’ रिलिजको लामो समयपछि सिनेमा निर्माणमा फर्केका छन् । निर्माता घिमिरे हाल दाङको घोराही उपमहानगरपालिका वडा नम्बर ४ का वडा अध्यक्ष समेत हुन् ।
नरेन्द्र मैनालीले खिचेको सिनेमा लाई आरआर फिल्मसले वितरण गर्नेछ । सिनेमामा सामीप्यराज तिमल्सेनाको कथा, पटकथा तथा संवाद र दीपक शर्मा बाबुल गिरीको संगीत रहेको छ ।
‘ताराहरू’ आशान्त शर्मा निर्देशन गरेको चलचित्र हो । यो मध्यमवर्गीय परिवारले सहरमा गर्नुपरेको संघर्षको कथा उठान गरेको चलचित्र हो ।
सिनेमाको मुख्य भूमिकामा निर्देशक आशान्त शर्मा र अभिनेत्री मेनुका प्रधान छन् । सिनेमामा अन्य कलाकारहरूमा आभास अधिकारी, मिरा खड्का, कुन्दुन शाक्य, प्रभाकर न्यौपाने, राज पंगेनी शर्मा, प्रमोद यादव, अञ्जली शाह, पुस्कर गुरुङलगायत कलाकारले अभिनय गरेका छन् ।
निर्देशक शर्माकै कथा रहेको चलचित्र वेज प्रालिको प्रस्तुति हो । सिनेमाका निर्मातामा गोपिनी शेडाइँ र कृष्ण प्रसाद पंगेनी शर्मा तथा सह–निर्मातामा घनलक्ष्मी शाक्य, जगविजय पंगेनी शर्मा तथा युगविजय पंगेनी शर्मा छन् ।
सरद महतोले छायांकन गरेको सिनेमा विनोद पाण्डेको सम्पादन छ ।