विष्णु माझीको यो वर्षको तीज गीत लोकप्रिय नहुनुका यी हुन ५ कारण
काठमाडौं । गायिका विष्णु माझीको यो वर्षको तीज गीत कति लोकप्रिय भयो ? सायद यो प्रश्नको जवाफ धेरैसँग नहुन सक्छ । किन भने युट्युबमा भ्युजका हिसाबले यो वर्षका अरु गायक गायिकाका तीज गीतका भन्दा धेरै छ । तर, चर्चा कम छ । टिकटक पनि यो गीतमा यसपटक धेरै बनेनन् । आमजनमा चर्चा पनि त्यति धेरै भएन । पार्टी प्यालेज र महिलाहरूको जमघटमा पनि यो गीत त्यति धेरै बजेन । युट्युबमा भ्युज होला तर चर्चा कम रहेको सत्य हो ।
विष्णु माझीको गीत नआएसम्म तीज आएको महसुस हुँदैन भन्ने गरिए पनि किन उनको गीत यो वर्ष त्यति धेरै लोकप्रिय भएन, जति अघिल्ला अघिल्ला वर्षहरूमा हुन्थ्यो ?
विष्णु माझीको ‘म त नराउँरी’बोलको गीतमा घरमा हुने छोरा र छोरीबीचको विभेदको कथा छ । छोरालाई माया गर्ने बाउ आमाले छोरीलाई हेलोहोचो गर्छन् भन्ने निष्कर्ष छ । जबकी अहिलेको समाजमा यो अपबाद मात्रै हो । छोरो होस् वा छोरी एउटा मात्रै सन्तान जन्माउने भन्ने समयमा यो गीतको मर्म दर्शकलाई चित्त बुझेको हुनसक्छ ।
रोनाधोना बढी भयो कि ? उनका गीत सधैँ एकैएकै खालका हुन्छन् । सासुबुहारीको घरजगडा र हेलाहोचो मात्रैले दर्शक दिक्क भएका हुन सक्छन् ।
विष्णु माझी आफ्नै चाहिँ के हो समस्या ? जो दशकौँ भयो भूमिगत भएको । घरेलु दबाब र हिंसाका कारण बाहिर नआएको हो कि आफ्नै खुसीले हो आजसम्म कसैलाई थाहा छैन । त्यसैले दर्शकले मुखै फोरेर समाचार र भिडियोमा कमेन्ट गरेर गीतमा घरेलु हिंसामा परेको कुरा गाइरहँदा पहिला आफ्नै कुरा के हो स्पष्ट पार भन्न थालेका छन् । आफ्नो आङको भैंसी नदेख्ने अर्काको आङको जुम्रो देख्ने भन्दै असन्तुष्टि जनाउँदै कमेन्ट गरिरहेका छन् ।
सधैँ गीत गाउने तर दर्शकमा उनको वास्तविक अवस्था के हो भन्ने कौतुहलता रहिरहँदा र त्यसको स्पष्टता चाहिरहँदा दर्शकले यसलाई आफूहरूलाई गुम्म्राहमा राखेर गीत चलाउने आइडिया भन्दै चर्को असन्तुष्टि जनाउँदै आएका छन् ।
अरुलाई गुम्म्राहमा राखेर गीत हिट बनाएर पैसा कमाउने प्रपंच गरेको र अब यो आइडियाले काम नगर्ने भन्दै असन्तुष्टी जनाउँदै पब्लिक्लिी कमेन्ट आइरहँदा त्यसकै असर पो हो कि यो वर्षा विष्णु माझीको गीत त्यति धेरै लोकप्रिय नहुनुको कारण ?
पछिल्लो समय डान्सिङ नम्बरका गीत चलिरहेका छन् । तर, निष्णुमाझीका गीत सधैँ गम्भीर र रोनाधोना मात्रै हुन्छन् । जबकी जुन गीतमा सबैभन्दा धेरै कम्मर मर्काउने शब्द, लय र डान्स स्टेप हुन्छ त्यही गीत चलिरहेका छन् । त्यसैले छमछमी नाच्ने खालको नहुनु पनि विष्णु माझीको गीतको चर्चा कम हुनुको अर्को कारण होला । पार्टी प्यालेसमा बजाएर नाच्ने खालको नहुने र सधैँ एकै प्याटर्नका गीत आउनु अर्को कारण होला ।
यो वर्ष मात्रै उनको गत वर्षको गीत पनि त्यति धेरै चलेको होइन । ‘चरी जेलैमा’ पछि उनका गीत त्यति धेरै चलेका छैनन् । त्यसैले अब एउटै प्यार्टन होइन त्यसमा दर्शकले परिवर्तन पो खोजेका हुन् कि भन्ने कुरालाई विष्णु माझी र उनका श्रीमान् सुन्दरमणिले हेक्का राख्नुपर्ने देखिन्छ ।